पुदिना खाण्याचे ६ आरोग्यदायी फायदे…मधुमेह, लट्टपणा, दमा, सतत डोके दुखणे अशा लोकांनी तर या पद्धतीने सेवन केले पाहिजे…फायदे जाणून

पुदिना खाण्याचे ६ आरोग्यदायी फायदे…मधुमेह, लट्टपणा, दमा, सतत डोके दुखणे अशा लोकांनी तर या पद्धतीने सेवन केले पाहिजे…फायदे जाणून

पुदिन्याच्या हिरव्यागार आणि स्वादिष्ट चटणीसोबत भजीचा आस्वाद घ्यायला सर्वांनाच आवडते. पुदिना चटणी , कोशिंबीर, भजी किंवा एखाद्या पेयाची चव वाढवण्यासाठी पुदिन्याचा वापर केला जातो. पदार्थांची चव वाढण्यासोबतच पुदिन्यामुळे आपली पचन प्रक्रिया देखील सुरळीत सुरू राहते. पुदिन्याची चटणी किंवा अन्य स्वरुपात पुदिना खाल्ल्यास आपल्या शरीराला कोणते लाभ मिळतात, जाणून घेऊया सविस्तर माहिती

स्मरणशक्ती वाढते:-
पुदिन्यातील औषधी गुणधर्म आपली स्मरणशक्ती वाढवण्याचे कार्य करतात. पुदिन्यामधील पोषक घटक मेंदूची आकलन शक्तीही वाढवण्यास मदत करतात. यामुळे आसपास घडणाऱ्या प्रत्येक गोष्टींबाबत आपल्यामध्ये शारीरिक तसंच मानसिकरित्या सतर्कता वाढते. नियमित पुदिन्याचे सेवन करणारी लोक इतरांच्या तुलनेत अधिक सक्रिय असतात.

यकृत निरोगी राहण्यासाठी:-

आपल्याला होणारे बहुतेक आजार यकृताशी कोणत्या-न्-कोणत्या स्वरूपात जोडलेले असतात. कारण पचन प्रक्रियेमध्ये यकृताची महत्त्वपूर्ण भूमिका असते. तसंच शरीराला आवश्यक ती ऊर्जा देण्याची जबाबदारी सुद्धा या अवयवाची असते.

यकृताची कार्य करण्याची गती मंदावल्यास तुमचीही काम करण्याची गती आपोआप कमी होते. म्हणजेच स्वतःला सक्रिय ठेवण्यासाठी तुमचे यकृत देखील सक्रिय असणे आवश्यक आहे. यासाठी नियमित पुदिन्याचे सेवन करावे. पुदिन्याची ४ ते ५ पाने तुम्ही चावून देखील खाऊ शकता.

​वेदनाशामक:-

दिना नॅचरल पेन किलर प्रमाणे कार्य करते. म्हणूनच काही आयुर्वेदिक औषधांमध्ये पुदिन्याच्या अर्काचा वापर केला जातो. पुदिन्यामुळे आपल्या शरीराला थंडावा मिळातो. जळजळ होणे, त्वचेला खाज सुटणे इत्यादी समस्या देखील कमी होतात. पुदिन्यातील पोषण तत्त्वांमुळे एखाद्या वेदनेपासून आपल्याला आराम मिळतो.

तोंडाला येणारा दुर्गंध:-

तोंड, दात योग्य पद्धतीने स्वच्छ केल्यानंतरही काही जण तोंडाला येणाऱ्या दुर्गंधाच्या समस्येमुळे त्रस्त असतात. ही समस्या दात किंवा तोंडाच्या अस्वच्छतेमुळे नव्हे तर पोटाच्या समस्येमुळे उद्भवते. पचन प्रक्रियेशी संबंधित त्रासामुळे शौचास न होणे,

बद्धकोष्ठता किंवा आतड्यांमध्ये एखाद्या प्रकारचा संसर्ग झाल्यास काही जणांच्या तोंडाला दुर्गंध येऊ शकतो. झोपेतून उठल्यानंतर किंवा खूप वेळ काहीच न खाल्ल्यास तोंडाला वास येतो. या समस्येपासून सुटका मिळवण्यासाठी तुम्ही पुदिना खाऊ शकता.

श्वसनासंबंधीचे रोग:-

पुदिन्यातील औषधी गुणधर्म दम्याच्या रुग्णांसाठी अतिशय लाभदायक असल्याचे म्हटले जाते. धूळ, माती, अन्य गोष्टींपासून अ‍ॅलर्जी असणाऱ्यांनी पुदिन्याचा अर्क किंवा स्वयंपाकामध्ये पुदिन्याचा समावेश केल्यास त्यांना भरपूर फायदे मिळतील.

​मुरुम कमी करण्यासाठी:-

पुदिन्यामुळे तुम्हाला आरोग्यवर्धक तसेच सौंदर्यवर्धक देखील लाभ मिळतात. चेहऱ्यावरील मुरुम, त्यांचे डाग, चेहऱ्याचा काळपट कमी करायचा असेल तर पुदिन्याचा वापर करा. पुदिन्यातील औषधी गुणधर्मामुळे सौंदर्य खुलण्यास मदत मिळते. पिंपल, ब्लॅकहेड्स किंवा वाइटहेड्समुळे तुम्ही त्रस्त आहात तर पुदिन्याचा पानांचा लेप तयार करा आणि चेहऱ्यावर लावा. सोबत स्वयंपाकामध्येही पुदिन्याचा समावेश करावा.

वजन कमी करण्यासाठी लाभदायक:-

फिट राहण्यासाठी, वजन कमी करण्यासाठी हल्ली प्रत्येक जण वेगवेगळे उपाय करत असतात. पण तरीही काही जणांचे वजन नियंत्रणात राहत नाही. वजन कमी करण्यासाठी तुम्ही आपल्या आहारामध्ये पुदिन्याच्या पानांचा समावेश करू शकता. पुदिन्याची चटणी, पुदिनायुक्त ताक, कोंशिबिरीमध्ये पुदिना मिक्स करून त्याचे सेवन करा. यामुळे तुमचे वजन नियंत्रणात राहण्यास नक्कीच मदत मिळेल. शरीरामध्ये ऊर्जा देखील टिकून राहील.

omkar

Leave a Reply

Your email address will not be published. Required fields are marked *